Кинескиот производител на паметни телефони и електрични возила Xiaomi сака да собере до 5,27 милијарди долари во дополнителна рунда на продажба на акции.

Акциите ќе бидат понудени во ценовен опсег од 52,80 HK $ до 54,60 HK $, а распонот на цената претставува попуст од 4,2-7,4 проценти во однос на цената на затворањето на берзата од 57 HK $ во понеделник.

Ќе бидат понудени вкупно 750 милиони акции од класа Б. Со продажбата ќе управуваат Goldman Sachs, CICC и JPMorgan. Собраните пари се наменети за проширување на бизнисот, инвестирање во истражување и технолошки развој и општи корпоративни цели.

Xiaomi минатата недела објави пораст на приходите од речиси 50% во текот на четвртиот квартал и ја зголеми својата цел за испораки на електрични возила оваа година од 300.000 на 350.000, пишува Bug.

Тие, исто така, планираат да ја прошират својата мрежа на продавници низ Кина оваа година и да отворат 10.000 нови продавници на Mi Home во странство во следните пет години.

Вкупното издавање на акции од кинески компании во првиот квартал достигна 16,8 милијарди долари, што е двојно повеќе од износот од претходната година. Производителот на електрични возила BYD овој месец собра 5,59 милијарди долари во најголемата продажба на акции во Хонг Конг во последните четири години.