iPhone 16 Plus би можел да биде последниот модел од ваков вид во телефонската линија на Apple.
Бројни извештаи и аналитичари сугерираат дека iPhone 16 Plus ќе биде последниот таков модел во линијата на iPhone на компанијата.
Аналитичарите Мингчи Куо и Џеф Пу сугерираат дека Apple размислува да ја прекине линијата iPhone Plus и ќе ја замени со тенок и премиум модел со Slim во името.
Slim моделот пристигнува во рамките на серијата iPhone 17, која ќе биде украсена со освежен дизајн, подобрувања на предната камера, помал Dynamic Island и друго.
Ова се моделите што не очекуваат во линијата iPhone 17, според аналитичарите:
iPhone 17: 6,1-инчен дисплеј
iPhone 17 Slim: 6,6-инчен дисплеј
iPhone 17 Pro: 6,3-инчен дисплеј
iPhone 17 Pro Max: 6,9-инчен дисплеј
Кога станува збор за дизајнот, Пу известува дека iPhone 17, iPhone 17 Slim и iPhone 17 Pro ќе имаат алуминиумска конструкција, додека iPhone 17 Pro Max ќе биде создаден од титаниум.