Во Турција размислуваат да ја блокираат апликацијата Telegram, доколку оваа платформа не преземе одредени мерки.
Турција би можела да го блокира пристапот до социјалната мрежа Telegram бидејќи, како што е утврдено според прелиминарните податоци, преку каналот се продава дрога и се промовира проституција и коцкање, пишува турскиот весник Сабах, повикувајќи се на извори во владините структури.
„Telegram, апликацијата која е широко користена во Турција, стана „криминално мочуриште“. Познато е дека дрогата слободно се продава преку каналите отворени на Telegram, а се промовираат проституција, коцкање и педофилски видеа“, пишува турскиот весник.
Според Сабах, турската служба за информатичка и комуникациска технологија (БТК) испратила повеќе од илјада писма до централата на Телеграм во Велика Британија, барајќи од нив да ги затворат каналите, но не добиле одговор.
„Се вели дека доколку Telegram не преземе мерки против овие канали за кратко време, пристапот може да биде блокиран“, се вели во соопштението.
Турските власти го блокираа пристапот до Instagram на 2 август, пренесува РИА Новости.
Министерот за транспорт и инфраструктура Абдулкадир Уралоглу изјави дека пристапот до социјалната мрежа Мета е повторно воспоставен по преговорите и ветувањата на компанијата.