Европската комисија и додели на интернет платформата за возрасни Xnxx статус на голема интернет платформа (VLOP), што значи дека според Законот за дигитални услуги, таа ќе мора да ги исполнува најстрогите барања.
Xnxx е четвртата платформа која нуди содржини за возрасни и доби статус на VLOP – Pornhub, Stripchat и Xvideos исто така претходно го добија овој статус.
Сите платформи со просечни повеќе од 45 милиони месечни корисници во ЕУ имаат VLOP статус. Со оваа одлука, вкупниот број на платформи со VLOP статус е 25.
Откако Комисијата ќе назначи платформа како VLOP, одредената интернет услуга има четири месеци да се усогласи со Законот за дигитални услуги.
Доделувањето на тој статус предизвикува посебни правила за справување со посебните ризици што таквите големи услуги ги претставуваат за Европејците и општеството кога станува збор за нелегална содржина и нивното влијание врз основните права, јавната безбедност и благосостојбата.
Xnxx ќе мора да ги испочитува најстрогите правила од Законот за дигитални услуги во рок од четири месеци, т.е. до средината на ноември 2024 година.
Таквите обврски вклучуваат усвојување посебни мерки за зајакнување и заштита на корисниците на Интернет, спречување на малолетниците да пристапат до порнографска содржина на Интернет, обезбедување на истражувачите пристап до јавно достапни податоци и објавување репозиториум за реклами.