Кинескиот стартап Betavolt разви батерија за која тврди дека нема да има потреба од полнење или одржување 50 години.

Како што објави „Индепендент“, пробивот во минијатуризацијата на атомската енергија значи дека Betavolt успеал да „стисне“ 63 нуклеарни изотопи во модул со големина на паричка.

Компанијата која стои зад оваа иновација открива дека нивната батерија од следната генерација е веќе во пилот тестирање. Планот е масовно да се произведува за комерцијална употреба за уреди како телефони и дронови, но сè уште нема информации за тоа кога.

Betavolt објави дека нивниот првичен модел на нуклеарна батерија испорачува 100 микровати моќност на 3V, со димензии 15х15х5 кубни милиметри. Во иднина, компанијата има за цел да ја подобри својата технологија за производство на батерија од 1 вати до 2025 година.

Дури и да се постигне тоа, долгиот век и „бесконечноста“ на батериите можат да бидат проблем за паметните телефони кои обично ги менуваме на неколку години, а кои лесно може да се полнат.

Постои уште еден агол што треба да се земе предвид – со загриженоста за радиоактивни материјали, повеќето луѓе би се двоумеле дали да носат нуклеарен уред во џебот. Сепак, Betavolt уверува дека повеќеслојниот дизајн на нивната батерија спречува да се запали или да експлодира.

Нуклеарните батерии работат со претворање на топлината од радиоактивното распаѓање во енергија. Тие обично користат изотопи како што е плутониум-238 и се познати по нивниот долг животен век, кој трае со децении без одржување.

Совршени се за вселенски мисии и локации каде што нема струја, но проблемот е што не се многу ефикасни, а употребата на радиоактивни материјали потенцијално ги покренува безбедносните и еколошките проблеми.

Од компанијата, пак, велат дека „овие батерии се еколошки, а по одреден период на распаѓање, изотопот 63 се претвора во стабилен изотоп на бакар, кој не е радиоактивен и не претставува никаква закана или загадување за животната средина.