Не добивме нова игра на Silent Hill цела деценија, а потоа во 2022 година, Konami конечно почна да објавува нови проекти за франшизата.
Еден од најинтересните проекти, кој фановите со нетрпение го очекуваат е римејкот на класичната игра Silent Hill 2. Насловот го развива Bloober Team, а според сите индикации би можел да се појави некаде оваа година.
A reel advertising various PlayStation 5 games coming in 2024 listed the Silent Hill 2 Remake as a title coming this year. https://t.co/kPPzCx0KHQ pic.twitter.com/QyxnM8sW9u
— IGN (@IGN) January 4, 2024
Како дел од својот промотивен трејлер за PlayStation 5 2024, Sony промовираше голем број игри што планира да ги објави. Меѓу веќе потврдените наслови, трејлерот вклучува и содржина од играта Silent Hill 2 Remake.
Иако ова не значи дека играта всушност ќе биде објавена оваа година, интерно целта е таа да биде објавена некаде во 2024 година.
Досега многу малку научивме за овој наслов. Сепак, во март минатата година, ко-основачот на Bloober Team истакна дека „Silent Hill 2 е технички подготвен. Тоа не значи дека играта е завршена, но е блиску“.
Објавувањето на играта во текот на 2024 година би било вистинскиот потег, имајќи предвид дека легендарниот Silent Hill првично беше објавен пред 10 години.