Гласините сега се потврдени: Еминем доаѓа во Fortnite како дел од финалето на Chapter 4.
Epic Games потврди дека Еминем ќе се појави за време на финалето на сезоната во живо, а играчите ќе можат да добијат скинови инспирирани од популарниот рапер.
Настанот наречен „The Big Bang“ ќе се одржи на 2 декември, а на официјалната веб-страница на Fortnite, програмерите изјавија дека „можете да го гледате Еминем… како Еминем“. Овој настан се нарекува и „нов почеток“, што потенцијално може да значи дека пристигнува нов остров.
Во чест на Еминем, Fortnite објавува и три нови скинови: „Rap Boy“, „Slim Shady“ и „Marshall Never More“, кои играчите ќе можат да ги купат почнувајќи од 29 ноември. Со присуство на настанот, играчите можат да го отклучат „Marshall Magma Style“ за скинот „Marshall Never More“, што на Еминем ќе му даде „огнени“ очи.
Оваа соработка потсетува на онаа која Fortnite ја имаше во 2020 година со Тревис Скот, кога повеќе од 12 милиони луѓе присуствуваа на настанот. Сега, со оглед на култниот статус на Еминем, таа бројка би можела да биде уште поголема.