Иако споделувањето лични податоци е нешто што не можеме да го избегнеме кога користиме интернет, веројатно не ни знаете каде се складирани сите ваши податоци.

Хакерските напади се случуваат секој ден, и веројатно е само прашање на време кога и вашите податоци би можеле да бидат компромитирани, така што нема причина да чекате – направете се што можете за да ја минимизирате таа можност и контролирајте кој знае што за вас.

Еве неколку начини на кои можете да проверите кој ги има вашите податоци и да бидете сигурни дека тие во иднина не се расфрлани низ целиот интернет.

1. Користете безбедносни опции

Неколку едноставни работи што можете да ги користите е да ги отфрлите „колачињата“ на страниците што ги посетувате, потоа да ги користите функциите „not-track“ понудени од вашиот прелистувач, а можете да користите и инкогнито.

Секогаш кога користите апликација на вашиот телефон, во поставките можете да контролирате до кои податоци ќе и дозволите да пристапи, односно што ќе може да гледа, собира и споделува со други програми и луѓе, стои во водичот на Нортон.

2. Отстранете ги личните информации од Google

Најголемиот пребарувач во светот сигурно ги има вашите податоци, барем во некоја форма. Можете да ги отстраните на неколку начини: контактирајте го Google директно преку формуларот и побарајте од нив да ги отстранат вашите податоци, овде отстранете ги вашите стари информации и слики од сајтовите што се појавуваат во пребарувањето на Google и тука побарајте отстранување на податоците што може да доведат до ваша идентификација.

3. Избришете ги старите адреси на е-пошта, социјални мрежи и други сметки

Ова можеби звучи како очигледна ставка, но ќе се изненадите колку податоци се складирани во старата е-пошта или други сметки, како оние што ги создавате за онлајн продавници или нешто слично, а да не зборуваме за социјалните мрежи. Размислете – сите бараат барем вашето име и телефонски број. Ако веќе не користите нешто, најдобро е целосно да го избришете.

4. Отстранете ги податоците што брокерите на податоци ги имаат за вас

Дата брокери (или „трговци со податоци“) се компании кои собираат информации за вас што ги оставате на Интернет, но тие го прават тоа на таков начин што ќе останете анонимни. Потоа ги составуваат како сложувалка, а потоа ги продаваат на други компании за да имаат подобра претстава за пазарот итн.

Тие собираат податоци на неколку начини – од јавно достапни извори, но и од други компании каде сте се согласиле да споделувате податоци (така се случува кога ќе кликнете „agree“ за да се отстрани прозорецот и да не прочитате што пишува).

Бришењето на вашите податоци од дата брокер може да одземе најмногу време од сите ставки на оваа листа.

Постојат сајтови кои го прават тоа за вас, но тие главно се плаќаат, а ако повеќе би сакале да го направите тоа сами, најдобро би било да направите список на најголемите компании кои го прават тоа и да ги контактирате.