Едно технолошко достигнување е ставено на листата на најдобри пронајдоци за 2023 година од страна на магазинот „Тајм“, без тоа да биде официјално објавено.
Станува збор за AI Пин од компанијата Humane, за кој засега не се знае многу, освен што со магнет може да се прикачи на гардероба и потоа се користи за различни функции од повикување до преведување.
Овој уред, кој официјално ќе биде претставен во ноември, доби поголемо внимание од јавноста пред половина година кога се одржа демонстрација на TED. Тие го рекламираат како „нов вид мобилен уред и платформа одеднаш“, и велат дека нема да биде врзан за телефон, па прашање е како ќе функционира.
Humane, во соработка со неколку поранешни вработени во Apple, го искористи превезот на мистеријата за да го објави својот уред како „револуционерен“.
Има голема конкуренција во областа на гаџетите со вештачка интелигенција, па го имаме, на пример, ланчето Rewind Pendant, неколку примери на паметни очила, а исто така се шпекулира дека шефот на компанијата OpenAI работи на еден гаџет.