Најновата надградба на iOS го поправа проблемот што ги мачи корисниците уште од првиот ден на достапноста на помоќните модели од серијата iPhone 15.
Apple ја објави верзијата на софтверот iOS 17.0.3 и тоа е мала надградба на платформата. Ажурирањето е особено важно за сопствениците на iPhone 15 Pro и iPhone 15 Pro Max.
Она што е важно, ажурирањето со себе носи корекција на проблем кој ги мачи корисниците уште од првиот ден на достапноста на споменатите телефони.
Оваа верзија на iOS треба да ги поправи проблемите со прегревање на iPhone 15 Pro и iPhone 15 Pro Max.
Минатата недела, Apple конечно го призна проблемот со прегревање со овие модели на телефони, по безброј извештаи од корисниците, и вети поправка што сега пристигна.
Во меѓувреме, Apple работеше и со креаторите на одредени апликации (како Instagram, Uber и други) кои го оверклокуваа чипсетот A17 Pro, кој го користат двата споменати телефони.
На корисниците на iPhone 15 Pro и iPhone 15 Pro Max им се препорачува веднаш да го инсталираат ажурирањето на iOS 17.0.3.