Интел ја најави следната генерација на Thunderbolt, која ветува значителни подобрувања во брзината на конекцијата и протокот на податоци.
Поради растечките потреби на креаторите на содржини, гејмерите и другите професионалци за стриминг кои сакаат екрани со висока резолуција и визуелни слики со мала латентност додека работат со се поголеми датотеки за видео и други податоци, Intel го најави Thunderbolt 5 за да обезбеди уште повеќе можности за корисниците кои бараат повеќе.
Thunderbolt 5 треба да постигне брзини до 120 Gbps, да нуди теоретска поддршка за гејмерски монитори од 540 Hz и моќност на полнење до 240 W, се вели во официјалното соопштение.
Поддржува и повеќе 8K монитори, три 4K монитори на 144Hz и полнење од најмалку 140W, што го прави идеален за поврзување лаптопи со повеќе дисплеи.
Врз основа на спецификациите USB4 v2 и DisplayPort 2.1, Thunderbolt 5 ќе биде компатибилен наназад со претходните верзии на Thunderbolt и USB.
Останува да се види кои додатоци ќе го поддржуваат Thunderbolt 5. Се чини дека тие би можеле да бидат приклучоци, монитори и дискови за складирање во текот на 2024 година, според The Verge.