Netflix стана „Netflix за игри“, но во многу рано издание. Можноста за играње игри преку претплата на Netflix на ТВ и компјутер моментално се тестира во Велика Британија и Канада.
Неодамна, Netflix лансираше апликација која служи како контролер на игри. Не беше сосема јасно која е целта на тоа лансирање, но сега имаме конкретна слика. На пазарите во Велика Британија и Канада, сега постои опција за пренос на игри преку Netflix на телевизор или компјутер, во тој случај тие може да се контролираат од телефонот.
Во моментов, само две игри од претплатата на Netflix може да се играат на овој начин: Oxenfree и Mining Adventure. Но, ова е бета тестирање на она што подоцна треба да стане стандардна карактеристика на Neflix.
Пристигнувањето на каталогот за игри на Netflix на телевизори и компјутери можеби е решение за најголемиот проблем досега: фактот што претплатниците на Netflix не ни знаат дека игрите се достапни во нивната претплата. Имено, игрите на Netflix се достапни само на мобилни уреди, а дури и ако користите Netflix на вашиот телефон, можеби нема да забележите дека овие игри се достапни бидејќи мора да ги преземете надвор од апликацијата Netflix.
Понудата на игри во понудата на Netflix засега не е голема, но таму можете да најдете Spiritfarer, TMNT: Shredder’s Revenge, Twelve Minutes, Kentucky Route Zero, Immortality, Into the Breach, Before Your Eyes и други.