Кога станува збор за надградба на софтверот, сигурно повеќето имале проблеми со надградбите на Windows. Windows 11 не е исклучок во овој поглед, а тоа го потврдува и новиот проблем кој се појави со најновата надградба. Но, постои решение, не толку популарно, но има…
Најновото ажурирање на Мајкрософт за Windows 11 предизвикува проблеми со перформансите кај некои корисници, особено кај оние кои го имаат инсталирано оперативниот систем на нивниот SSD. Имаше бројни извештаи од корисници кои истакнуваат дека нивниот SSD работи значително побавно по надградбата.
Се чини дека проблемите со перформансите се во голема мера фокусирани на системите што се инсталирани на SSD-дискови. SSD дисковите се карактеризираат со одлични брзини, поради што многу корисници ги претпочитаат во однос на традиционалните HDD. Сепак, по најновото ажурирање на Windows 11, дури и NVMe SSD од високата класа доживуваат драстичен пад на перформансите.
Некои корисници на Reddit пријавиле дека брзината на читање и пишување на нивните SSD-дискови се намалува од 7.000 на 3.000, а понекогаш дури и 1.000. Овие брзини предизвикуваат подолго време на стартување на сите дејства на компјутерот, побавно вчитување на игрите итн.
Microsoft допрва треба официјално да го признае овој проблем и да понуди решение, а дотогаш корисниците ќе треба да ги преземат работите во свои раце. Најдобар начин да се реши проблемот е да го деинсталирате проблематичното ажурирање (KB5023706) и да чекате Microsoft да испрати ново, правилно ажурирање.
За да го деинсталирате ажурирањето, треба да напишете „Windows update settings“ во полето за пребарување, потоа најдете „View update history“ и во тој дел пронајдете го последното ажурирање (веројатно последното) што сте го инсталирале (KB5023706) и кликнете „Деинсталирај“ .
Конечно, бидете внимателни со ажурирањата на Windows на Microsoft во иднина.