Компанијата за роботакси на AMAZON, Zoox, носи самоуправувачки автомобил без волан или педали на јавните патишта во САД како дел од експериментот за воспоставување на мобилност без возач. Таксито, дизајнирано за сместување на четворица патници, го заврши своето прво пробно возење меѓу две згради на компанијата во Фостер Сити, Калифорнија, објави Zoox.
На пробната рута возилото се движело со брзина до 35 милји на час (56 km/h), поминало низ семафорите и свртело лево-десно. Сега се планира да се воспостави превоз за вработените. Zoox се подготвува да лансира услуга за роботакси во Лас Вегас, меѓу другите локации, а исто така испраќа модифицирани теренци на Toyota со сензори како тест возила на патиштата во Сан Франциско и Сиетл.
Во меѓувреме, Круз, компанија во сопственост на автомобилскиот гигант Џенерал Моторс, исто така сака да воведе роботакси без волан и педали во САД. На Круз му е веќе дозволено да превезува патници во областа Сан Франциско, но засега само ноќе. Компанијата користи конвертирани електрични автомобили Шевролет Болт, кои имаат волани и педали, но немаат возач.
Сепак, неколку инциденти со возила на Круз кои накратко ги блокираа патиштата се најдоа на насловните страници во последните месеци. Градот Сан Франциско оттогаш се спротивстави на барањата на Круз и сестринската компанија на Google Waymo да ги прошират операциите на роботакси.