Конзорциумот Wireless Power (WPC) го претстави безжичниот стандард Qi2, наследник на стандардот Qi кој работи слично како MagSafe на Apple.
Целта е да се создаде уникатен и сеопфатен систем кој треба да биде компатибилен со уреди кои користат оперативни системи Android и iOS.
Досегашниот Qi стандард се користи повеќе од 13 години.
Новиот стандард ќе користи систем за магнет и калем за безжично полнење, сличен на оној што го користи iPhone на Apple од моделот 12 па до денеска.
Но, ќе го додаде и таканаречениот Magnetic Power Profile, кој треба да обезбеди смартфоните и другите уреди да се полнат со максимална можна брзина и ефикасност.
Исто така, треба да работи без разлика каква марка користите и треба да го намали количеството електронски отпад што го произведуваат овие уреди.
Првото издание на стандардот Qi2, со поддршка за полнење од 15 W, откривање странски објекти и други карактеристики, треба да биде претставено подоцна оваа година.
Идните изданија треба да покриваат помоќни полначи, како и да овозможат безжично полнење за уреди со чудна форма што не се компатибилни со сегашните полначи.
Сè уште не е познато дали ќе биде компатибилен со уреди кои го поддржуваат актуелниот Qi стандард и Apple MagSafe.
Очигледно, може да бара и верификација, што би можело да им овозможи на производителите да одбијат полнење преку уреди кои немаат сертификат, пишува Engadget.