Популарната веб-страница Android Authority ги објави резултатите на своето Reader’s Choice гласање, кое го избра телефонот со најдобра камера во 2022 година.

Корисниците имаа можност да изберат од четири телефони, кои беа оценети како најдобри во прегледите на Android Authority. Во конкуренција беа камерите на следните телефони: Sony Xperia 1 IV, Google Pixel 7 Pro, Apple iPhone 14 Pro Max и Samsung Galaxy S22 Ultra.

На читателите им беа понудени фотографии, но не знаеја кој уред е користен за да се создаде која фотографија. Имаа три дена да гласаат, а победникот беше тесно пред второпласираниот.

Два телефони се истакнаа: Apple iPhone 14 Pro Max и Google Pixel 7 Pro. Со разлика од само 0,02 поени, победи Pixel 7 Pro, како што е наведено на веб-страницата на Android Authority.

Ова не е првпат Pixel 7 Pro да освојува награди на споменатиот сајт. Претходно година, тој ги освои и наградите Editor’s Choice и Reader’s Choice за севкупно најдобар паметен телефон.

Резултатите од гласањето и фотографиите креирани од уредите кои беа во конкуренција можете да ги погледнете овде.