Американскиот Сенат донесе закон со кој им забранува на вработените во федералните институции да ја користат апликацијата Тик-Ток на официјални телефони.
Претходно, Tik-Tok беше забранет на официјални телефони во државите Северна Дакота и Ајова, Алабама и Јута, а Тексас, Мериленд и Јужна Дакота ја објавија забраната, пренесува Ројтерс.
Во август 2020 година, Сенатот одобри нацрт-закон со кој се забранува употребата на тие апликации на телефоните во сопственост на владата.
Прес-службата на компанијата Bytedance, која е сопственик на Tik-Tok, изрази загриженост за новите регулативи на американската администрација, за кои тврдат дека се засновани на дезинформации и дека се подготвени да се сретнат со американските пратеници за отворено да разговараат за работењето на компанијата .
„Разочарани сме што толку многу земји се приклучија во одобрувањето закони врз основа на неосновани гласини за Тик-Ток кои нема да ја унапредат националната безбедност на Соединетите Американски Држави“, се вели во соопштението.
Новиот закон е последниот потег на американските претставници во справувањето со кинеските компании и поради стравувањата дека Пекинг би можел да ги користи нивните апликации за да ги шпионира американските граѓани, според Ројтерс.