Компанијата Wisk Aero ја претстави својата шеста генерација полуавтономно летечко такси, за кое тврди дека е „прв кандидат за сертификација на Федералната агенција за воздухопловство за автономно возило eVTOL, односно електрично возило со вертикално полетување и слетување.

Гледајќи го дизајнот, се чини дека станува збор за значително подобрена верзија на летечкото такси наречено Cora, кое веќе лебдеше и леташе во Нов Зеланд во 2018 година. Сепак, овој пат летот не беше прикажан, ниту беа објавени детали за напредокот на процесот на сертификација.

Од Wisk тврдат дека леталото со четири седишта може да лета со брзина до 222 km/h и да достигне висина од речиси 1.220 метри. Има 12 пропелери, навалувачки погонски единици напред и фиксни единици во задниот дел за пловност, т.е. подигање. Досегот е 145 километри, управувањето е подобрено, како и ефикасноста на управувањето со енергијата во споредба со претходните верзии.

Промотивното видео покажува како патниците ги носат појасите и поминуваат низ демонстрација на безбедносна процедура користејќи екрани на допир.

Летечкото такси сега има „помалку подвижни делови, нема хидраулика, масло или гориво“ и е побезбедно за летање. Беше истакнато дека е „дизајниран да ги надмине денешните ригорозни стандарди за безбедност на воздухопловството и дека има 1:1.000.000.000 шанси за несреќа“.

Компанијата особено ја нагласува автономната технологија бидејќи веруваат дека таа е „клучот“ за воздушната мобилност. Значи, целта е да се подобрат сензорите за откривање и избегнување пречки, заедно со „надзорниците на повеќе возила кои обезбедуваат човечки надзор на секој лет“ и можат да ги преземат доколку е потребно.

Според Wick, новото летечко такси е кандидат за FAA сертификат што ќе му овозможи да превезува патници во САД, но добивањето на тој сертификат е тешка задача дури и за етаблираните производители на авиони како Boeing, кои користат стандардни дизајни на авиони.

Воздухопловната компанија Kittyhawk, основана од ко-основачот на Google, Лери Пејџ, неодамна објави дека се гаси, што е јасен показател за огромните предизвици во секторот. Wick во суштина произлезе од таа компанија откако Kittyhawk соработуваше со Boeing на проектот за авиони од петтата генерација Cora.

Wick не е единствената компанија која реши да го спроведе планот и конечно да понуди летечко такси. Joby претходно доби FAA лиценца за летечки такси услуги, што му овозможи да работи комерцијално. Но, дозволата ѝ дозволува само да ги тестира своите услуги, така што сепак треба да добие FAA сертификат за прототипот на авионот пред да може да превезува луѓе.