Воздухопловните сили на САД објавија нови фотографии и кратко видео од следната генерација на авиони за електронско војување.
Станува збор за авион EC-37B Compass Call кој го заменува моделот EC-130H, тој е базиран на авионот Lockheed Martin C-130 Hercules кој претрпе големи модификации за да може да ја наруши командата и контролата на непријателот, да врши контраразузнавачки операции и да изврши голем број други електронски напади. Исто така, овој авион може да ги „нападне“ радарите за рано предупредување и собирање податоци и може да се најде насекаде во светот за краток временски период за да им пружи поддршка на американските оперативни сили.
Тој е еден од трите основни американски авиони за електронско војување што може да ја потисне противничката противвоздушна одбрана со заглавување на комуникациските, радарите и командните и контролните цели.
Новите фотографии се направени откако авионот пристигна во воздухопловната база Дејвис-Монтан во Тускон, Аризона на 17 август. Целта на патувањето беше да се прикаже напредокот на леталото што ќе биде испорачано на тестирање, што значи дека се уште е во развој.
EC-37B Compass Call првпат полета минатата есен.