Шефот на WhatsApp рече дека нема да ја „намали безбедноста“ на нејзината услуга за пораки без оглед на барањето на Владата на Велика Британија да дозволи пристап до фотографиите испратени преку директни пораки.

„Би било многу глупаво да се прифати слабеењето на шифрирањето на барање на која било влада“, изјави Вил Кеткарт за Би-Би-Си.

Владините планови за откривање слики од сексуална злоупотреба на деца вклучуваат можно скенирање на приватни пораки.

Британското национално друштво за спречување на суровост кон децата го критикуваше ставот на WhatsApp, велејќи дека директните пораки се „првата линија“ на сексуалната злоупотреба на деца.

Владините претставници велат дека технолошките компании треба да го спречат материјалот за злоупотреба на деца преку Интернет. Нивните предлози се дел од Предлог-законот за безбедност на Интернет, чие донесување е одложено до есен.

„Тие не треба да го игнорираат јасниот ризик дека end-to-end енкрипција може да ги заслепи за оваа содржина и да ги попречи напорите да се фатат сторителите“, рече владиниот портпарол.

Тој нагласи дека Владата продолжува да работи со технолошкиот сектор за поддршка на развојот на иновативни технологии кои ја штитат јавната безбедност без да ја загрозат приватноста.

Шифрирањето од крај до крај обезбедува најсилно ниво на безбедност, бидејќи според дизајнот, само наменетиот примач на пораката има клуч за нејзино дешифрирање, што е неопходно за приватна комуникација.

Технологијата поддржува онлајн споделување во апликации вклучувајќи WhatsApp, Signal и – опционално, на Facebook и Telegram.
Само испраќачот и примачот можат да ги читаат тие пораки, а не полицијата или технолошките гиганти.

Загатка со која моментално се соочува технолошката заедница е ветувањето на британската влада дека ќе го поддржи развојот на алатки кои би можеле да детектираат нелегални фотографии, притоа почитувајќи ја приватноста на корисниците.

Бидејќи милиони луѓе користат WhatsApp за да комуницираат, тој мора да ги одржува истите стандарди за приватност во секоја земја, според шефот на WhatsApp.

„Доколку треба да ја намалиме безбедноста на светот, да одговориме на барањата на една земја, тоа би било многу глупаво и би го направил нашиот производ помалку посакуван за 98 отсто од нашите корисници“, изјави Кеткарт за BBC News.