Популарниот сервис за пораки WhatsApp подготвува неколку нови функции кои ќе ја подобрат функционалноста на услугата и дополнително ќе им овозможат на корисниците поефикасно користење на WhatsApp.
Според извештаите, WhatsApp наскоро би можел да направи значителни промени во начинот на кој функционираат пораките што се бришат самостојно. Исто така, планирано е да се промени начинот на кој членовите на групните разговори се прикажуваат на корисникот.
Според извештајот на WABetaInfo, услугата би можела да им овозможи на корисниците да ги чуваат пораките дури и кога ќе истечат, односно кога ќе се избришат. Пораките кои исчезнуваат, односно се бришат по одредено време, не можат да се означат со ѕвездичка, но може да се задржат. До таквите пораки може да се пристапи подоцна во делот „Kept Messages“. Администраторите на групата ќе имаат контрола врз активниот статус на оваа функција.
Групната функција на WhatsApp добива нова опција, која ќе им овозможи на учесниците да го напуштат групниот разговор без да ги известат другите учесници. Кога некој учесник ќе го напушти разговорот, само администраторот ќе биде известен.
WABetaInfo објави дека корисниците на iOS би можеле да добијат функција која создава секција „Past Participants“. Ова ќе им овозможи на сите учесници, не само на администраторите, во групата да видат кој останал или бил отстранет од групата во последните 60 дена.