Белгија планира да предложи измена на законот што ја надминува претходната обврска за чување податоци.
Актуленото законодавство во Белгија вели дека провајдерите се обврзани да ги чуваат само податоците кои што се веќе собрани, а податоците што провајдерот ги немал не можат да се чуваат бидејќи истите податоци не постојат.
Според новиот предлог-закон, давателите на услуги се принудени да ги евидентираат сите податоци во име на владата, дури и ако нема потреба од тоа. Новиот закон предвидува и складирање и евидентирање на податоците.
Ова е на штета на популарната апликација Сигнал, чија функционалност привлече многумина бидејќи апликацијата не складира повеќе податоци отколку што е потребно. Доколку новиот предлог-закон биде прифатен во Белгија, апликациите како што е Сигнал би можеле да станат нелегални.
Тимот што го создаде Сигнал е горд што апликацијата ги складира само податоците што се неопходни. Тоа значи дека она што не е зачувано не може да протече. Сигнал знае само кога е креирана сметката и кога корисникот последен пат е поврзан на мрежата. Апликацијата не следи кој испраќа пораки, на кого и кога.
Белгија сака новиот закон да го принуди Сигнал да ги следи корисниците, но и да чува податоци за тоа какви контакти имале корисниците и со кого комуницирале. Ова може да ја отежне работата на апликацијата Сигнал во Белгија.
Многу е веројатно, доколку Белгија го одобри споменатиот предлог-закон, ваквиот расплет од ситуацијата ќе следи и во другите земји од Европската унија.