Motorola го претстави новиот член од средна класа на смартфон, Moto G82.
Овој смартфон доби главна камера од 50 MP со оптичка стабилизација на сликата, OLED екран и голема батерија, а овие карактеристики ќе бидат главните продажни адути.
Moto G82 користи 6,6-инчен OLED екран со Full HD + резолуција и фреквенција на освежување од 120 Hz. Уредот се напојува со процесор Snapdragon 695, а западноевропските пазари добиваат верзија со 6 GB RAM и 128 GB внатрешна меморија што може да се прошири преку microSD картичка.
OLED екранот ви овозможува да поставите сензор за отпечатоци под него, но кај споменатиот смартфон, сензорот се наоѓа на страна и е интегриран во копчето „power“.
Назад е главна камера од 50 MP со оптичка стабилизација на сликата, а до неа се ултра широка камера од 8 MP и макро камера од 2 MP. Напред е селфи камера од 16 MP сместена во перфориран исечок на екранот.
Уредот се напојува со батерија од 5.000 mAh која поддржува полнење до 30 W. Смартфонот доаѓа со полнач.
Телефонот поддржува користење на две SIM-картички, додека слотот за microSD е одделен. Исто така, уредот доаѓа со 3,5 милиметарски приклучок за слушалки и користи оперативен систем Android 12 со My UX интерфејс.
Смартфонот е достапен во сива и бела боја, а во Европа чини 330 евра.