Се појавија фотографии од глобалните верзии на Xiaomi 12 и 12 Pro

Xiaomi следната недела, на 15. март глобално ќе ги претстави своите флегшип модели од серијата 12. Веќе видовме како изгледаат телефоните, а глобалните верзии ќе имаат само помали козметички промени како што се гледа на протечените рендери.

Добивај вести на вибер

Еве еуште еден поглед на фотографиите, овој пат без водени жигови, благодарение на дојавувачот @SnoopyTech, кои ги пренесува GSM Arena. Типстерот има и информации за цените за Европа за Xiaomi 12 серијата, како и за Redmi Note 11 Pro+ 5G. Овој последниот денес е лансиран во Индија, но не е познато дали пристигнува и во Европа.

Да почнеме со Xiaomi 12 Pro. Според Snoopy, ќе чини 1.100-1.200 евра во зависност од конфигурацијата на меморијата. Mi 11 Pro ја прескокна Европа минатата година, така што не можеме да направиме директна споредба на цените, но новиот Pro не е баш евтин.

Xiaomi 12 ќе пристигне со нешто поразумна цена од 850-900 евра, но тоа е сепак за 100 евра повеќе од цената на Mi 11 минатата година за истата конфигурација на меморијата.

Ако тоа се чини прескапо, Xiaomi 12X е речиси истиот телефон со Snapdragon 870 наместо Snapdragon 8 Gen 1. Тоа е разлика од две генерации во перформансите, но и многу заштедени пари – 12X наводно ќе чини 650-700 евра.

Ова е под претпоставка дека овие цени се точни, но се чини дека се совпаѓаат со гласините од минатата недела.

Што се однесува до Redmi Note 11 Pro+ 5G, тој ќе биде уште поевтин со цена во опсег од 460-500 евра. Во табелата подолу имаме цени за различни мемориски конфигурации.