Астероид, кој ги уби речиси сите диносауруси пред 66 милиони години, удрил во Земјата во пролет, заклучи меѓународен тим на научници.
Експертите пребаруваа делови од Северна Дакота во САД за да пронајдат фосилизирани риби кои умреле кога астероидот удрил во Земјата.
Користејќи исклучително моќни рендгенски зраци и софистицирани снимки од изотоп на јаглерод на фосилизирани коски на риби кои умреле помалку од еден час по ударот на астероидот, тие успеале да го одредат времето на ударот на астероидот. Нивните наоди сугерираат дека ударот се случил во пролет.
Оставил кратер широк 180 километри
Тимот научници верува дека нивното откритие може да помогне да се разјасни зошто некои животни, како птиците, крокодилите и желките, успеале да го преживеат ударот, додека други немале толку среќа.
Ќе им помогнат добро сочуваните фосили од риби откриени во Северна Дакота и ќе им овозможат подобро разбирање на еден од најлошите денови во историјата на животот на Земјата и ќе фрлат светлина на размерите на глобалната катастрофа предизвикана од удар на астероид широк околу 15 километри.
Се верува дека паднал на полуостровот Јукатан и дека предизвикал глобална зима која само неколку ладнокрвни организми успеале да ја преживеат. Масовното исчезнување што следело збриша околу три четвртини од живите организми на Земјата, вклучително и диносаурусите на крајот на Креда, и го отвори патот за цицачите, вклучително и луѓето, да станат доминантен вид.
Палеонтолозите велат дека пронашле докази за удар на астероид во Северна Дакота во сегашниот Мексикански Залив, на полуостровот Јукатан, кој исто така зафатил област оддалечена илјадници милји од местото на ударот. Ударот остави кратер широк околу 180 километри.
Огромните бранови ги закопале рибите живи
Наоѓалиштето Хел Крик, формација од доцниот креда која ги вклучува Монтана, Северна и Јужна Дакота и Вајоминг, е фосилна ризница и рај за палеонтолозите бидејќи содржи фосилни остатоци од многу видови диносауруси, цицачи, рептили и риби заробени во глина и каме, што датираат од пред 65 до 70 милиони години.
Ударот на астероидот предизвика огромни бранови кои го поместиле талогот и ги закопале рибите живи. Истражувачите откриле дека фосилизираните риби се исклучително добро сочувани. Нивните коски речиси не покажуваат знаци на хемиски промени, а нивните меки ткива останале недопрени.
Мелани Вид, водечки автор на студијата од шведскиот Универзитет во Упсала, објасни дека „сликите на јаглеродниот изотоп на коските на мртвите риби потврдуваат дека сезоната на хранење сè уште не го достигнала врвот во тоа време, што значи дека тие умреле во пролет“.
Анализата на фосилите на коските укажува на период на „побрз раст“ на рибите, што научниците го поврзуваат со пролетта, наспроти побавниот раст во зимските месеци. На јужната хемисфера во тоа време било есен, годишно време кога многу суштества се подготвуваат за зима.
Студијата беше објавена во списанието Nature и во неа учествуваа научници од Универзитетот Uppsala во Шведска, Универзитетот Vrije во Амстердам, Универзитетот Vrije во Брисел и францускиот институт European Synchrotron Radiation Facility.
Извор: N1info.com