Научниците сè уште не го знаат вистинското потекло на издолжениот череп во кој бил поставен метален имплант. Имено, тие не знаат дали ова е најраниот пример на антички хируршки имплант во Перу или модерен фалсификат.

Фактот дека черепот, дониран на Музејот за остеологија во Оклахома Сити, има издолжена форма не е невообичаен бидејќи Перуанците во древни времиња практикување втиснување ленти во главите на децата за време на нивниот развој, за да ја постигнат оваа форма. Она што е чудно, сепак, е металниот имплант кој, доколку е автентичен, би можело да биде уникатно откритие од древниот свет под Андите.

Постапка за дупчење на черепот

До вградениот метален предмет во черепот има дупка која веројатно е резултат на процедурата на трепанација или отворање на черепот за да се растерети мозокот при обидот да се лекува повреда или болест, што било вообичаена практика во древниот свет.

Од Музејот велат дека нивните експерти допрва треба да ја потврдат автентичноста на металниот имплант. Портпаролот на музејот изјави за Live Science дека не е извршено јаглеродно датирање и дека специјализираните археолози допрва треба детално да го анализираат черепот.

Дали имплантот е автентичен?

Live Science разговараше со неколку независни експерти за можното потекло на черепот, но нивните мислења се различни. Некои се скептични и веруваат дека се работи за фалсификат, додека други претпоставуваат дека ова би можело да биде пример за древна медицинска пракса.

„Многу се сомневам дека ова е автентично“, рече антропологот Џон Верано од Универзитетот Тулан во Луизијана, истакнувајќи дека металниот имплант можеби е модерен фалсификат, дури и ако черепот е вистински.

„Накратко, мислам дека тоа е обид да се направи черепот вреден колекционерски предмет. Овој метален имплант можело да биде вметнат пред многу децении, пред да биде даден во музејот или да го набави донаторот“, рече Верано.

Верано испита неколку черепи од Андите на кои наводно има метални импланти и во 2010 година објави истражување на оваа тема во Journal of Osteoarchaeology. Таму наведува примери на черепи со фалсификувани метални импланти или оние во кои е пронајден метал, но тоа било понуда за погреб, а не хируршки процес.

„Никогаш не сум видел нешто слично досега“

Други научници веруваат дека ова е вистински пример на древна медицинска пракса, но дека е премногу рано да се каже со сигурност додека не се спроведат дополнителни тестирања.

„Никогаш не сум видел нешто слично. Врз основа на фотографиите, изгледа како металниот дел да е обликуван кон черепот“, изјави антропологот Даниеле Курин од Универзитетот во Калифорнија.

„Врз основа на скршеницата, ова лице, кое изгледа како постар маж, претрпе огромна траума со тап предмет на десната страна на главата. Концентричните линии на фрактура покажуваат знаци на заздравување, што укажува дека дотичниот маж ја преживеал повредата во барем неколку недели до неколку месеци“, додаде Курин.

„Бидејќи металуршката технологија во тоа време варираше низ Андите, тестовите на черепот можеа да покажат каде е произведен металот. Исто така, би било добро да се направи рендген на черепот за да се утврди дали парче метал го покрива отворот за трепанација и/или отворена фрактура на черепот. Има неколку случаи на минати откритија каде парче човечка коска е ставено во исечена дупка по трепанирање“, додаде таа.

Во една статија од 2013 година во American Journal of Physical Anthropology, Курин напишал за случајот на лице кое живеело во Перу пред околу 800 години и носел тесно прицврстена капа со метален дел како шлем што ја штити областа продупчена од трепанација.

Музејот сѐ уште не објави кога ќе спроведе детално истражување на черепот.

Извор: Index.hr