На корисниците кои поседуваат PC или Mac, Google им го олесни покренувањето на Chrome OS.
Компанијата го објави Chrome OS Flex, а се работи за изменета верзија на Chrome OS, која корисниците можат да ја преземат бесплатно, да ја складираат на USB-диск и да го подигнат компјутерот од него.
Ова значи дека корисниците ќе можат да го испробаат Chrome OS на постоечките Windows или Mac компјутери и нема да им треба засебен Chromebook уред за тоа.
Во повеќето случаи, Chrome OS Flex ги нуди истите функции како Chrome OS, што значи дека корисниците ќе можат да ги користат Google Assistant, Nearby Sharing и други опции.
Постојат некои барања кога станува збор за компјутерскиот хардвер и бренд, а компатибилна листа е достапна ТУКА.
Chrome OS Flex моментно е достапен со ран пристап, што значи дека сè уште е во бета фаза на тестирање. Засега првенствено е наменет за користење во компании и училишта.