Американскиот технолошки гигант Apple објави дека стана првата компанија во историјата која достигнала пазарна капитализација од 3.000 милијарди долари.
Акциите на производителот на iPhone накратко пораснаа за околу три отсто вчера, на 182,88 долари, со што компанијата за првпат ја турка над границата од 3 трилиони долари. Тоа значи дека пазарната капитализација на Apple се зголемила за уште 1.000 милијарди долари за помалку од една и пол година.
Во август 2018 година, Appke стана првата компанија во историјата која достигна 1.000 милијарди долари. Само во 2021 година, цената на акциите се зголемија за речиси 34 отсто.
На крајот на 2021 година, пазарната вредност на Епл беше 2,91 милијарди долари, што значително го надмина конкурентот Microsoft и го врати првото место на рангирањето.
Кратката анализа на среднорочните и долгорочните резултати на акциите на Apple, кои котираат на берзата од 1980 година, го покажува долгорочниот успех на компанијата, јави ДПА.
Од почетокот на 2002 година, цената на акциите на Apple се зголемени за околу 43.000 отсто, што значи дека инвестицијата од 1.000 долари пред 20 години му донесе на сопственикот околу 430.000 долари. Акциите добија уште поголема вредност откако беа котирани на берзата – кој инвестираше 1.000 долари заработи повеќе од 1,8 милиони долари, јави ДПА.