Xiaomi ја претстави Loop LiquidCool технологијата која ветува двојно поголеми можности за ладење во споредба со конвенционалните решенија на парните комори. Инспириранa е од решенијата за ладење кои се користат во воздушната индустрија, велат од компанијата.
Оваа технологија користи капиларен ефект кој го влече течното ладилно средство до изворот на топлина, испарува, а потоа ефикасно ја распрснува топлината во поладна област, додека средството не кондензира и не се фати низ еднонасочниот канал со затворена јамка.
„Постои прстенест систем на топлински цевки составен од испарувачи, кондензатори, комори за полнење, како и цевки за гас и течност. Поставен на изворите на топлина, испарувачот има средство за ладење кое испарува во гас кога паметниот телефон е под големо оптоварување. Протокот на гас и воздух потоа се дифузира до кондензаторот, каде што гасот повторно кондензира во течност. Овие течности се апсорбираат и се собираат преку ситните влакна во комората за полнење – што го надополнува испарувачот – што го прави самоодржлив систем“.
Иако оваа нова технологија го користи истиот метод како и VC течното ладење, таа користи пумпа во облик на прстен со специјален дизајн на гасна цевка, која во голема мера ја намалува отпорноста на протокот на воздух за 30% за помазен проток на пареа, така што максималниот капацитет за пренос на топлина се зголемува за до 100 проценти.