Кина претстави новo беспилотно воено летало, односно дрон со голем досег кој има различни можности.

Станува збор за стелт дронот GJ-11 со простор за вооружување, кој е во развој од 2013 година. Овој дрон го покренува еден турбовентилаторски мотор, а распонот на неговите крилја изнесува 14 метри.

Деталите за дронот се воглавно тајна, но се верува дека неговиот дострел е 4.000 километри, а максималната брзина е 1.000 километри на час. Покрај тоа, има способност за прикривање.

Леталото има два симетрични оддели за вооружување, сместени помеѓу запчаниците. На пример, во секој од нив може да се сместат наведувачки бомби.

GJ-11 може да полета од амфибиските напаѓачки бродови, а кога ќе се приближи до целта, може да испука мамци наместо муниција. Иако леталото е големо, веројатно нема доволно огнена моќ за да уништи непријателски брод, но би можело да се искористи за ограничување на неговите ресурси.

Во видеото е прикажано и како леталата испраќаат одредени бранови до нивните цели, а можно е да се работи за попречување на сигналот или некое енергетско оружје.

Целосните способности на леталото се уште не се познати, а овој модел е сличен на оној што Американците имаат намера да го произведат.