Ако сите честички на SARS-CoV-2 вирусот кои моментално циркулираат кај луѓето ширум светот би се собрале на едно место, според една најнова студија, би тежеле некаде помеѓу средно јаболко и мало дете.

Група истражувачи неодамна пресметаа дека секое заразено лице носи околу 10 милијарди до 100 милијарди индивидуални SARS-CoV-2 честички во „еко“ на инфекцијата. Ова сугерира дека сите SARS-CoV-2 вируси со кои моментално се заразени луѓе ширум светот, што во кое било време во текот на пандемијата изнесуваше околу милион до 10 милиони инфекции, имаат колективна маса од 100 грама до 10 килограми, пишува Science Alert.

„Гледајќи од поширок историски контекст, атомската бомба има помалку од 100 кг фисијски материјал. Слично на тоа, овде станува збор за многу мала маса на вируси кои пустошат низсветот“, велат авторите Рон Мило, професор за животна средина на Институтот за наука Вајзман во Израел и Рон Сендер, докторанд во лабораторијата на Мило.

Вирусот, според податоците од пред една недела, заразил повеќе од 173 милиони луѓе и убил над 3,7 милиони, соопшти Универзитетот Џонс Хопкинс.

За да пресметаат колку вируси може да носи секое заразено лице, истражувачите користеле претходни мерења на резус мајмуни колку SARS-CoV-2 носеле во екот на инфекцијата во различни ткива за кои се знае дека се подложни на вирусот, вклучувајќи ги белите дробови, крајниците, лимфните јазли и дигестивниот систем. Потоа, тие го множеа бројот на присутни вирусни честички на грам ткиво во резус мајмун со маса на човечко ткиво за да го проценат бројот на вирусни честички во човечките ткива.

Колку мутации ќе има вирусот во просек за време на инфекција кај една личност?

Од претходните пресметки засновани на дијаметарот на вирусот, тие веќе знаеја дека секоја честичка од вирусот има маса од еден фемтограм (10 на минус 15 грама). Користејќи ја масата на секоја честичка и бројот на проценети честички, тие пресметале дека секое лице на врвот на инфекцијата носи од една до 10 микрограми вирусни честички. Овие бројки им овозможија на научниците подобро да разберат што се случува во телото за време на инфекцијата, да го утврдат бројот на заразени клетки и да го споредат бројот на честички на вирусот во телото со брзината на развој на вирусот.

Потоа тие пресметале колку мутации би имал вирусот во просек за време на инфекцијата на една личност, а исто така и на целата популација. За да го направат ова, тие користеа прелиминарна проценка на мутацијата на нуклеотид слична на коронавирус, ја помножија со бројот на нуклеотиди во геномот SARS-CoV-2, а потоа разгледаа колку пати вирусот направи копии од себе во телото за време на инфекцијата. Откриле дека за време на инфекција кај еден домаќин, вирусот поминува низ 0,1 до една мутација низ целиот геном. Со оглед на тоа што минуваат четири до пет дена помеѓу инфекциите, вирусот би собрал околу три мутации месечно, што е во согласност со познатата стапка на еволуција на вирусот SARS-CoV-2, напишаа истражувачите.

Сепак, тие исто така откриле голема варијација во бројот на вирусни честички кај заразените лица. Може да варира од пет до шест редови на големина, што значи дека некои заразени луѓе можат да имаат милиони пати повеќе од овие честички од другите.

„Знаеме дека луѓето со мало вирусно оптоварување навистина имаат помала веројатност да заразат други“, велат Мило и Сендер.

Но, сè уште е нејасно дали суперзаразувачите шират повеќе вируси отколку другите од биолошки причини, како што се високи вирусни оптоварувања или социолошки причини како што се многу блиски средби со луѓе на големи настани во затворено, додаваат научниците.