Facebook преку Twitter соопшти дека воведува ново правило во рамките на кое почнува да испробува нов потсетник кој ќе ги праша корисниците дали сакаат да го споделат текстот кој се уште не го отвориле.
Имено, доколку се случи корисникот да не го отворил линкот што сака да го сподели, пред да го направи тоа ќе се појави порака која ќе го потсети да го прочита текстот.
Портпаролот на Facebook нагласи дека додатокот ќе дојде до севкупно шест проценти од корисниците, кои оваа социјална мрежа ја покренуваат преку Android.
„Денеска почнуваме со тестирање на начинор на промовирање на поинформирано споделување новинарски текстови. Доколку споделувате вест од линк што не сте ја прочитале, ќе ви пуштиме порака охрабрувајќи ве да го отворите и да го прочитате пред да го споделите со други“, стои во објавата на Facebook.
Starting today, we’re testing a way to promote more informed sharing of news articles. If you go to share a news article link you haven’t opened, we’ll show a prompt encouraging you to open it and read it, before sharing it with others. pic.twitter.com/brlMnlg6Qg
— Facebook Newsroom (@fbnewsroom) May 10, 2021
Поттикнувањето на луѓето да ги читаат вестите кои ги споделуваат може да се сфати како нова битка на Facebook против ширењето на дезинформациите против кои оваа платформа одамна се бори.
На тој начин пораката која ќе се појавува ќе го информира корисникот дека неотворањето на вестите кои се споделуваат може да има контра ефект бидејќи често насловите не ја откриваат суштината на целата сторија, а неретко и водат кон погрешен впечаток.