Претходно оваа недела, Intel официјално ја претстави својата „Rocket Lake-S“ 11. генерација Core десктоп процесори. MSI меѓу првите ги најавува своите гејминг десктоп системи со најновиот хардвер на Intel.
MSI ги најави Aegis, Codex, Trident и Infinite сериите десктоп компјутери наменети за гејмери, кои покрај 11. генерација на Intel Core процесори имаат и Nvidia RTX 30 графички карти.
Некои MSI системи пристигнуваат со процесори до Intel Core i9-11900K моделот, додека други имаат опции со Core i7 или Core i5 процесори. Во случај на MSI MEG Trident X 11th, Aegis RS 11 и Infinite RS 11 компјутерите, достапни се опции до Intel Core i9-11900K процесори.
MSI MPG Trident AS 11th пристигнува со Intel Core i7-11700F процесор, а MSI Codex R 11th и Aegis R 11th имаат опции до Intel Core i7-11700 процесор. На крајот, Aegis SE 11th ќе се испорачува со Intel Core i5-11400F процесор како најсилна варијанта.
Гејминг PC системите на компанијата MSI, кои доаѓаат со Core i9 процесори од 11. генерација, имаат почетна цена од 1999 долари. Почетната цена за Core i7 компјутерите почнува од 1349 долари.