Покрај тоа што е една од најпопуларните игри на светот, Fortnite стана и место за онлајн собири, особено од почетокот на пандемијата. Во тој контекст, компанијата Epic објави дека играта наскоро ќе добие нова опција за комуникација, во форма на видео разговор.
Fortnite со видео-разговорот ќе се управува преку апликацијата Houseparty, со која Epic соработуваше претходно. Играчите ќе можат да ја сместат апликацијата на своите телефони, да ги поврзат Houseparty сметките со профилите на Fortnite и да комуницираат со пријателите во виртуелните простории додека ја играат играта. Видео разговорот ќе се појавува во горниот дел од екранот.
Креаторите се надеваат дека оваа опција ќе им биде корисна на оние кои се во карантин поради коронавирусот, а интеграцијата со Houseparty е веќе активна за PC, PlayStation 4 и PlayStation 5.