Пред неколку дена се појави видео кое го прикажува претстојниот LG Wing телефон со двоен ротирачки екран. Сега се појави ново видео, кое покажува каков гејминг може да се очекува на овој единствен смартфон.
LG Wing има главен екран, кој може да се ротира во панорамски мод, а го открива секундардниот панел и креира Т облик на уредот. Гласините сугерираат дека главниот дисплеј ќе има големина од 6,8-инчи, додека помалиот има големина од околу четири инчи.
Според неименуваните извори, LG Wing ќе чини околу 1000 долари. На задната страна на телефонот се очекуваат три камери, со 64MP главен сензор. Сето ова ќе го покренува Qualcomm Snapdragon 765G чипсет.