Google неодамна официјално ја објави Android 11 Beta 1 верзијата, а Xiaomi сега изрази желба да ја испроба претстојната верзија на платформата. Компанијата наското ќе ја објави Beta 1 за три свои премиум телефони, но не е истакнат конкретниот датум на објава.
Сопствениците на Xiaomi Mi 10 5G, Mi 10 Pro 5G и Poco F2 Pro телефоните ќе можат меѓу првите да ја тестираат новата верзија на Android. Ова веројатно ќе овозможи и прв увид во MIUI 13 корисничкиот интерфејс (Xiaomi дури неодамна почна со испорака на MIUI 12 на Mi 10 моделите, кој е заснован на Android 10).
Не е споменато дали и кога некој од Redmi телефоните ќе биде вклучен во ова пробно тестирање. Исто така, големи се шансите дека ова ќе биде затворена бета, која нема да им биде достапна на најголем број од корисниците.
Oppo објави дека Find X2 и Find X2 Pro до крајот на месецот ќе ја добијат Android 11 Betu, додека OnePlus веќе ја најави достапноста на бета билдовите за своите OnePlus 8 и 8 Pro телефони.