Темниот режим за Google апликацијата е долго очекувана карактеристика, а прво им беше достапен на корисниците на Pixel телефоните, по објавата на Android 10. Сега Google објави дека темниот мод конечно пристигнува до сите Android и iOS корисници.
Ажурираната темна тема е достапна за корисниците на Android 10, iOS 12 и iOS 13 платформите, а ќе се адаптира на темата на системот. Корисниците, исто така, можат во подесувањето на апликацијата да изберат поинаква тема. Ажурирањето пристигнува во сегменти и нема на сите да им бидат достапни во ист момент.
Starting today & fully rolling out this week, dark mode is now available for the Google App on Android 10 and iOS 12/13. By default, the Google App will reflect your device’s system settings in Android 10 & iOS 13. If that’s set to a dark theme, the app will be in dark mode…. pic.twitter.com/ZqSD33ZhNt
— Google SearchLiaison (@searchliaison) May 19, 2020
Иако Google ја истaкнува достапноста на темните теми за Google апликацијата само на Android 10, сајтот 9to5Google укажува дека темата е достапна и на старите верзии на платформата, а исто така може да се промени преку подесувањето на апликацијата.