Ако вечерва го набљудувате небото ќе ја видите Супер Розовата Месечина, најголемата и најсјајна во оваа година.
Овој небесен феномен значи дека Месечината вечерва ќе биде најблиску до Земјата (перигеј), на оддалеченост од 356.907 километри, а нашата планета ќе биде во иста линија со Месечината и Сонцето. Колку за потсетување, просечната оддалеченост на Месечината од Земјата во нормални околности изнесува околу 384.401 километар.
Токму затоа вечерва месечината ќе биде многу посјајна и поголема од обично, а во оваа форма се нарекува Розова Супермесечина. Тоа сепак не значи дека Месечината навистина ќе биде розова – името го добила по априлската полна месечина чие појавување се поврзува со почетокот на цутењето на розовите цвеќиња во Северна Америка.
„Ќе биде сјајна и апсолутно прекрасна“, вели астрономот Џеки Фаерти од Американскиот природонаучен музеј во Њујорк за Space.com.
Розовата Супермесечина ќе биде видлива во текот на целата ноќ, а особено спектакуларна ќе биде при изгревањето. Станува збор за оптичка илузија поради која Месечината ќе се чини многу поголема додека се издигнува над хоризонтот. Месечината ќе зајде во 6 часот и 3 минути.
Извор: Klix.ba