Кинеската компанија Huawei забележа стабилен приход во 2019 година, во период кога оваа технолошка групација продолжува со раст и покрај американската кампања против нејзиното делување.
Компанијата предупреди дека нејзиниот напредок следната година би можел да биде попредизвикувачки
Ротирачкиот претседател на компанијата Ерик Су напиша во новогодишната порака до вработените дека заработувачката на Huawei оваа година надминала 122 милијарди долари, што претставува нејзин нов рекорд и зголемување на приходот од 18 отсто во однос на претходната година.
Тој истакна дека Huawei, кој е втор најголем производител на паметни телефони во светот, оваа година продал 240 милиони апарати, за разлика од 206 милиони минатата година.
– Овие бројки се пониски од нашите првични предвидувања, сепак работењето е солидно и стоиме цврсто, соочени со проблеми, напиша Су.
Huawei оствари голема победа во Индија, која вчера и дозволи на компанијата да учествува во пробното тестирање на 5G мрежата.