Владата на Русија има намера во седиштето на производителот на претседателската лимузина „Аурус“ да создаде лабораторија која ќе конструира беспилотен трактор.
Кабинетот на министри, како што пренесуваат руските медиуми, веќе издал соодветен указ. Властите ќе утврдат и какви барања треба да исполнува новиот трактор, а министерствата за индустрија и трговија и земјоделство за тоа време ќе најдат извор на финансирање. Почетокот на работата е планиран за наредната 2020 година.
Ова не е првиот беспилотен трактор што го прават во Русија. Кон средината на април на Меѓународната економска изложба во Екатеринбург беше покажан трактор што нема ниту кабина за возачот. Со негова разработка се занимаваше компанија која е дел од државната корпорација „Роскосмос“.
Извор: Russia Beyond