Две години по избувнувањето на вирусот „WannaCry“, овој рансомвер не само што останува активен, туку се заканува и на рекорден број компјутери, предупредува студијата на компанијата за сајбербезбедност Sophos Labs.
Експертите изброиле 12.490 варијанти на WannaCry создадени во текот на целата активност на вирусот. Околу 2.700 модификации формираат 98% од откриените вируси; тие научиле да ја заобиколуваат заштитата, која го сопираше ширењето на WannaCry.
Само во август 2019 година, системите за телеметрија на Sophos откриле 4,3 милиони напади користејќи варијанти на WannaCry. Според резултатите од август, регистрирани се 6.963 варијанти на вирусот, од кои 80% се нови.
Избувнувањето на WannaCry во 2017 година засекогаш ја промени ситуацијата со сајбер заканите, вели експертот за безбедност Питер Мекензи.
Според експертот на Sophos, некои жртви имале среќа бидејќи варијантите на малициозниот софтвер ги заштитувале од поновите верзии. Сепак, ова е случајност и компаниите мора да ги инсталираат сите ажурирања и да користат решенија за информациска безбедност кои ги заштитуваат сите системи навремено, советува Мекензи