Како што известува ORF, автономен минибус, кој возел со брзина од 12 km/h, удрил во 30-годишна жена пешак, при што го повредила коленото.

Австриските власти веднаш ја прекинале услугата превоз со автономни минибуси и започнале истрага за целиот настан.

Станува збор за два автономни минибуси од програмата Navya SAS идентични со оние кои се користат во многу светски метрополи. Тест програмата во Виена беше лансирана неодамна, односно на 6 јуни, на делница од 4 километри, во соработка со Државниот институт за технологија и Siemens.

Во моментот не е познато што точно се случило, а јавноста секако е изненадена бидејќи проектот на жителите на Виена е презентиран како исклчучително безбеден. Впрочем, и двете возила имале специјално обучено лице кое го надгледувало однесувањето на автономниот систем во сообраќајот, со што се обезбедува дополнителен осигурувач за безбедноста на патниците. Очигледно ова не било доволно за да се избегне несреќата.

Автономниот минибус користи систем од сензори, камери и GPS позиционирање, а може да превезува до 15 патници.

Извор: Додај Гас