Човештвото изгледа веќе ги надмина “безживотните” текстуални пораки, па одвреме-навреме се појавува некој нов уред која пробува да внесе човечност во вештачките уреди, и со тоа да ги убеди граѓаните дека не се сами на овој свет.
Еден од најновите проекти е токму “The Kissinger” (Кисинџер), кој на поврзаниот уред пренесува бакнежи и со тоа им овозможува на корисниците да разменуваат нежности.
Уредот изгледа како голем телефон со силиконска површина на предната страна, на која се “нанесува” бакнежот, за потоа да се измери притисокот на површината и да го пренесе актот на нежност преку апликацијата.
Оној кој го прима бакнежот може да ги приближи усните или образот до површината, а моторите под неа го завршуваат остатокот од работата, бидејќи го поместуват силиконот за притисокот да изгледа како бакнеж.
Уредот за бакнување е сè уште во фаза на развој, а по сè изгледа дека е наменет само за iOS, така што најмногу среќа ќе имаат корисниците на iPhone телефоните. Тоа сепак не е потполно точно, бидејќи во 2015 година веќе се појави “Kissinger” кој не изгледа исто, но природата на услугата е идентична.
Не е јасно дали постариот “Kissinger” некогаш ќе го види светлото на денот, како што не е ни сигурно дали новиот iOS геџет за бакнежи некогаш ќе стигне до корисниците на iPhone, но јасно е дека природата на комуникацијата се менува и дека корисниците бараат повеќе, со тоа што обичните зборови повеќе не ја задоволуваат фантазијата која се развива во онлајн просторите.
Извор: PC Press.rs / B92.net