Google Maps најави дека ќе почне да нуди нова функција: ќе може да предвиди колкавa гужва има во средствата за јавен превоз, како автобусите, трамваите, метроата и возовите.
Проценките ќе се базираат на податоците за претходните возења собрани во текот на изминатите месеци од самите патници. Имено, пред неколку месеци Google постави анкета за корисниците да достават детали за нивото на метеж во текот на нивните патувања. Образецот што патниците го пополнувале нудел четири опции: многу празни места, неколку празни места, има само места за стоење и едвај има места за стоење.
Од технолошкиот гигант проценуваат дека собрале доволно податоци за сигурна прогноза на метежот во текот на патувањето до работа и враќањето дома. Новата функција е достапна во 200 градови низ светот, од кои четвртина се наоѓаат во САД.
Исто така, ќе бидат воведени и информации за застојот во сообраќајот за автобусите каде што патниците немаат информации во реално време директно од локалните транзитни агенции. Сега ќе можете да видите ако вашиот автобус доцни, колку ќе трае доцнењето и попрецизно време на патувањето врз основа на условите за сообраќај во живот. Ќе можете да видите каде се случуваат одложувањата на мапата за да знаете што да очекувате пред да се качите на автобус.
Извор: The Verge