HMD Глобал веќе го претстави овогодинешниот предводник, кој се вика Nokia 9 PureView, и го привлекува вниманието поради петте задни камери. Сепак, компанијата продолжува да работи напорно за да ја врати старата слава на култниот бренд. Стратегијата на HMD Global исто така е поврзана со премиерата на паметните телефони што поддржуваат 5G технологија, што ќе се случи во третиот квартал од годината, пишува Digital.bg
Eдниот уред ќе биде наследник на Nokia 9 PureView и ќе има помоќен процесор, бидејќи овој смартфон работи со минатогодишниот Snapdragon 845. Нема да биде изненадување доколку сега компанијатаби го користила најбрзиот процесор на Qualcomm, Snapdragon 855.
Вториот паметен телефон се очекува да биде претставен како наследник на популарната Nokia 8.1 и најверојатно ќе се вика Nokia 8.2, објави GizmoChina.
Според непотврдени информации, паметниот телефон ќе работи на Qualcomm Snapdragon 700 процесор. Објавувањето во третиот квартал значи дека наскоро ќе се знае повеќе за техничките спецификации на паметните телефони. Се чини дека едниот е фокусиран на премиум сегментот, а другиот во средната класа.
Се чини дека сега HMD Global ќе посвети посебно внимание на 5G технологијата, во обид да генерира поголема глобална продажба.