Тим Кук, главен извршен директор на Apple, го претстави iOS 13, нова верзија на оперативниот систем за iPhone, како и бројни други иновации. Тој го стори тоа на еден од најважните ИТ настани на годината на Светската конференција за програмери организирана од Apple.
Apple конечно го претстави iOS 13 “темниот режим” за iPhone, кој им овозможува на корисниците да ја сменат светлата боја од iOS и позадината на апликациите. Ова вклучува и нов изглед за многу основни апликации, како што се таа за потсетници и е-пошта.
Исто така, тастатурата сега ќе им овозможи на корисниците да преминат преку неа, наместо да притискаат на секоја поединечна буква. Оваа функција, која е достапна за Android веќе некое време, им овозможува на корисниците да пишуваат побрзо.
Од Apple, исто така, изјавија и дека сега се фокусираат на перформанси за разлика од претходните верзии на оперативниот систем. Отклучувањето на телефонот со Face ID сега е 30 отсто побрзо, додека преземањето апликации од App Store е за најмалку 50 проценти побрзо. Apple се пофали и дека стартувањето на апликациите во новиот iOS е дури двапати побрзо.