Google официјално потврди дека става крај на апликацијата YouTube Gaming, која нема да биде достапна за корисниците од 30. мај. Причината за одлуката на компанијата, сепак, не е поврзана со откажување од гејмерскиот сегмент. Google потврди дека сите гејминг содржини, достапни во апликацијата за мобилни уреди, се уште ќе бидат достапни на YouTube. Нивните планови предвидуваат да изградат уште поголем екосистем на љубители на игри во самиот видео сервис.
Укинувањето на YouTube Gaming ќе ги фокусира напорите на Google да привлече повеќе љубители на игрите кон YouTube, како и да ја претвори во поатрактивна платформа за гејмерите.
Официјалната премиера на YouTube Gaming беше пред четири години, кога амбициите на компанијата беа да го претвори во посериозен конкурент на Twitch. Во ова време, Google направи многу напор да го смени интерфејсот и да го ажурира со многу нови функции и оригинална содржина.