Ауто Шоу со олдтајмери и електрични автомобили во Скопје Сити Мол (ФОТО)

Во текот на викендов, во надворешниот дел на Скопје Сити Мол може да се погледне несекојдневна автомобилска изложба која опфаќа олдтајмери, но дава призвук и кон електричната иднина.

ФОТО: Никола Бурагев

Ова Ауто Шоу, како што велат организаторите, има за цел да послужи како своеивиден времеплов обединувајќи го минатото преку најстарите автентични олдтајмери, сегашноста – преку актуелната комерцијална понуда на автомобили и секако иднината која треба да биде електрична, особено преку ексклузивните модели на Tesla.

Сите љубители на автомобилската индустрија, но и сите кои уживаат во индустрискиот дизајн, како и следбениците на технологијата имаат можност да пропатуваат низ времето преку оваа изложба, а во внатрешноста на Скопје Сити Мол можат да погледнат и електрични велосипеди и тротинети.

“Ние секогаш ќе даваме дополнителна вредност на посетителите на Скопје Сити Мол, овозможувајќи несекојдневни изложби и искуства за нив. Ги следиме трендовите и ни е исклучително важно да придонесуваме за заштита на животната средина и токму поради тоа на почетокот на годината ги инсталиравме и првите полначи за електрични возила во паркингот на Скопје Сити Мол”, истакна Валентина Николовска, менаџер за комерцијализација во Скопје Сити Мол.