Xiaomi минатата година го претстави смартфонот Pocophone F1. Главна одлика на овој модел беше таа што за релативно прифатлива цена нуди хардвер каков што претходно доаѓаше само со флегшип моделите. Pocophone F1 се темели на Snapdragon 845, има 6 GB RAM и 64 GB интерна меморија, три камери и голем 6,18-инчен екран со засек.
Но, се чини дека Xiaomi сега одлучи да изработи и негова послаба, таканаречена Lite верзија – Poco F1 Lite. Барем така на своите страници тврди познатиот Geekbench, кој под тоа име во својата база на податоци го впиша новиот уред и дел од неговиот хардвер.
Ако Geekbench се исправно детектираше, тогаш Poco F1 Lite се темели на Snapdragou 660. Бидејќи се работи за Lite модел, Xiaomi ја намалил количината на RAM меморија од 6 GB на 4 GB. Бидејќи веќе на големо влеговме во 2019. година, од софтверска страна се наоѓа моментно најновата верзија на Android – 9.0 Pie.
Што се однесува до хардверските перформанси, Lite е очекувано нешто послаб од стандардниот модел. Во single-core тестовите Lite моделот освои 1.341 бод наспроти 1.937 бодови, колку што во истиот тест освојува Pocophone F1. Слична е ситуацијата и во multi-core тестовите, каде што Lite верзијата освои 4.830 бодови, а стандардната 6.033.