ASUS го претстави новиот компактен лаптоп VivoBook 14 (X403). Направен е во согласност со воениот стандард за сигурност MIL-STD-810G. Благодарение на тенките рамки, 14-инчниот Full HD екран покрива 87% од површината на капакот. Друга карактеристика која го прави посебен е огромната батерија која овозможува работа и до 24 часа со едно полнење.
VivoBook 14 е направен во металик верзии, достапен во две опции: класичен сребрено-син и во розова нијанса. Со дебелина од 16,5 mm, тежината на лаптопот е само 1,3 кг. Лаптопот беше подложен на голем број тешки тестови за усогласеност со воениот стандард на американската армија MIL-STD 810G, вклучувајќи работа во планини, во услови на висока влажност и температура, што укажува на неговата сигурност и издржливост.
Уредот беше опремен со 72 W/h четириклеточна батерија која овозможува до 24 часа траење на батеријата. Технологија ASUS Battery Battery Charging ја заштитува батеријата при полнење, продолжувајќи го век на траење и спречувајќи можни штети.
VivoBook 14 вклучува осма генерација Intel Core i7 процесор, 16 GB RAM меморија и солидна внатрешна меморија со капацитет до 1 TB.